BARNAUL, 25-oktyabr. /"Dunyo" AA/. O'zbekistonning Novosibirskdagi Bosh konsulligi xodimlari Sibir federal okrugi hududidagi "Xorijiy fuqarolarini vaqtincha saqlash markazi"da saqlanayotgan vatandoshlarimizga maslahat va yuridik ko'mak ko'rsatish maqsadida Barnaul shahrida (Oltoy o'lkasi, Rossiya) bo'ldilar, deb xabar bermoqda "Dunyo" AA muxbiri.

Safar davomida mamlakatimiz diplomatlari mazkur markazda O'zbekiston fuqarolari uchun yaratilgan sharoitlar bilan tanishganlari barobarida fuqarolarimiz bilan suhbatlashib, ularni qiziqtirgan savollarga javob berishdi.

Shu bilan birga, vatandoshlarga tegishli maslahatlar ham berildi.

Markaz rahbariyati bilan o'tkazilgan muzokaralar chog'ida barcha vatandoshlarimiz o'z qarindoshlari bilan aloqada bo'lishlari ta'minlangani qayd etildi.

Markaz bilan aloqani qo'llab-quvvatlash va zarur hollarda murojaat qilishga kelishib olindi.