TOSHKENT, 14-avgust. /"Dunyo" AA/. O'zbekiston Tashqi ishlar vazirligi kecha konsullik xizmatlaridan foydalanishda yordam berish va chet elga tashriflar davomida yo'nalishlarni aniqlash uchun mo'ljallangan "UZ Embassies and Consulates" ilovasini ishga tushirdi, deb xabar qilmoqda "Dunyo" AA muxbiri.

Xizmat shiori: "Sizning sayohatingiz bizning tashvishimiz: har qadamda konsullik yordami!"

Ilova orqali quyidagi xizmatlardan foydalanishingiz mumkin:

-Qidiruv yoki interaktiv xarita orqali dunyoning istalgan nuqtasida O'zbekiston elchixonalari va konsulliklarini topish;

-Har bir elchixona haqida batafsil ma'lumotga ega bo'lish: manzil, telefon, elektron pochta va veb-sayt havolalari - barchasi bir joyda!

-Har bir diplomatik missiya taqdim etadigan keng ko'lamli xizmatlar haqida bilish: vizalarni rasmiylashtirish, pasportlarni yangilash, konsullik yordami va boshqalar.