TOSHKЕNT, 21-oktyabr. /"Dunyo" AA/. O'zbekiston tashqi ishlar vaziri Baxtiyor Saidov bugun Luksemburgda Yevropa investitsiya banki prezidenti Nadiya Kalvino bilan uchrashdi, deb xabar qilmoqda "Dunyo" AA muxbiri.

"Bugun Yevropa investitsiya banki prezidenti Nadiya Kalvino xonim bilan samarali uchrashuv o'tkazdik , – deb yozdi O'zbekiston TIV rahbari o'zining telegram-kanalida. – Suhbatimiz chog'ida O'zbekistonning barqaror iqtisodiy o'sishini qo'llab-quvvatlash, "yashil" o'tish jarayonini jadallashtirish va infratuzilmani modernizatsiya qilishga qaratilgan amaldagi hamda istiqboldagi loyihalarni muhokama qildik.

Yevropa investitsiya banki bizning o'zaro bog'langan, barqaror va kelajakka yo'naltirilgan mintaqani shakllantirish borasidagi umumiy qarashlarimizni ilgari surishda muhim hamkorlardan biridir. O'zbekiston uchun yangi investitsiya va innovatsion imkoniyatlarni ochish yo'lida hamkorlikni kengaytirishda davom etamiz".