TOKIO, 3-oktyabr. /"Dunyo" AA/. Yaponiyaning "NHK Educational" telekanalining "Buzz English" bolalar dasturi orqali O'zbekiston haqida maxsus ko'rsatuv efirga uzatildi, deb xabar qilmoqda "Dunyo" AA muxbiri.

Ko'rsatuvda tomoshabinlarga qadimiy Qo'qon shahri tarixi, qadimiy yodgorliklari va boy madaniy merosi haqida ma'lumot berildi. Shuningdek, o'zbek milliy oshxonasi, xususan palov va Samarqand nonini pirish jarayoni ko'rsatildi hamda ularning madaniy ahamiyati to'g'risi ta'kidlangan.

Efir so'nggida esa Tokioda tayyorlangan yangi issiq o'zbek noni studiyaga olib chiqildi va teleboshlovchilar o'zbek noni haqidagi fikrlari bilan o'rtoqlashdi.

 Mazkur dastur yaponiyalik bolalarda O'zbekiston haqida qiziqish uyg'otib, xalqimiz madaniyati va qadriyatlarini chuqurroq anglashga xizmat qildi.