Yilning 141-kuni. Yil yakunlanishiga 224 kun qoldi

Ushbu sanada O'zbekistonda:

1994-yil:O'zbekiston Prezidenti BMT Bosh kotibi o'rinbosari, BMTning giyohvandlik vositalarining tarqalishi va ishlatilishini nazorat qilish bo'yicha xalqaro dastur ijrochisini qabul qildi.

1996-yil: O'zbekiston Prezidenti Ruminiya, AQSH va Yamanning mamlakatimizga tayinlangan elchilarini qabul qildi.

2010-yil: O'zbekiston Prezidenti Xitoy tashqi ishlar vazirini qabul qildi.

2017-yil: O'zbekiston Prezidenti arab-musulmon mamlakatlari va AQSH sammitida ishtirok etdi. Ushbu sammit doirasida O'zbekiston va AQSH rahbarlarining ilk uchrashuvi bo'lib o'tdi.

2018-yil: O'zbekiston Prezidentining Qozog'iston Prezidenti bilan telefon orqali muloqoti bo'lib o'tdi. Unda ikki davlat iqtisodiy va madaniy-gumanitar hamkorligida mavjud ulkan salohiyatdan samarali foydalanishga qaratilgan hududlararo aloqalarni faollashtirish muhokama qilindi.

2019-yil: O'zbekiston Prezidenti Indoneziya Prezidentini ushbu lavozimga qayta saylangani bilan tabrikladi.

2020-yil: O'zbekiston Prezidenti ijtimoiy-iqtisodiy islohotlarning borishi, odamlar hayoti bilan tanishish maqsadida Andijon viloyatiga tashrif buyurdi.

2021-yil: O'zbekiston Prezidenti videoanjuman shaklida o'tgan Oliy Yevroosiyo iqtisodiy kengashining navbatdagi yig'ilishida ishtirok etdi.

2024-yil: O'zbekiston Prezidenti Eronning Toshkentdagi elchixonasiga tashrif buyurdi va mamlakat shimolida vertolyot qulashi oqibatida Prezident va unga hamrohlik qilgan shaxslar fojiali halok bo'lgani munosabati bilan do'st Eron xalqiga chuqur hamdardlik bildirdi.

Jahonda:

- "Muloqot va taraqqiyot uchun Jahon madaniy xilma-xilligi kuni";

- "Xalqaro choy kuni";

- Hindistonda "Terrorizmga qarshi kurashish kuni";

- Rossiyada "Kavkaz urushi qurbonlarini xotirlash kuni";

- Qozog'istonda "Madaniyat va san'at xodimlari kuni";

- Chilida "Dengiz floti kuni";

- Chernogoriyada "Mustaqillik uchun referendum kuni" (2006).