TOSHKENT, 20-avgust. /"Dunyo" AA/. Bolgariyaning Samokov shahrida sport kurashlari bo'yicha U-20 yosh toifasidagi jahon chempionati bo'lib o'tmoqda, xabar qilyapti "Dunyo" AA muxbiri.

Milliy Olimpiya qo'mitasi ma'lumotiga ko'ra, 19 avgust kuni o'tkazilgan bellashuvlarda O'zbekiston terma jamoasi oltin medalga sazovor bo'ldi.

Ushbu medalni erkin kurashchimiz Sherzod Poyonov qo'lga kiritdi. -92 kg vazn toifasida kurashgan polvonimiz saralashda Gretsiya, Yaponiya, Kanada va neytral maqomda kurashgan rossiyalik sportchilarni mag'lub etishga erishgan edi.

Hal qiluvchi bellashuvda esa qozog'istonlik Kamil Kurugliyevni dog'da qoldirib, jahon chempionligini qo'lga kiritdi.