AL-KUVAYT, 14-oktyabr. /"Dunyo" AA/. Joriy oktyabr oyida Kuvaytdan 25 kishidan iborat sayyohlar guruhi O'zbekistonga keldi, deb xabar qilmoqda,deb xabar qilmoqda "Dunyo" AA muxbiri.

Mazkur tur shu yilning iyul oyida Kuvaytda "O'zbekiston – Ipak yo'li durdunasi" shiori ostida o'tkazilgan turizm-forumi davomida "Bazaar Travel" va Kuvaytning "Alrukn Alyamani" turkompaniyalari o'rtasidagi erishilgan kelishuv asosida tashkil etildi.

Yurtimiz sayyohlik salohiyatiga bag'ishlangan ushbu forum O'zbekiston elchixonasi, Turizm qo'mitasi va Kuvayt Turizm sektori hamkorligida tashkil etilgan edi.

Turkompaniyalar hamkorligida joriy oktyabr oyida 25 kishidan iborat dastlabki birinchi kuvaytlik sayyohlar guruhining O'zbekistonga safari tashkil etildi.

Safar davomida kuvaytlik sayyohlar Toshkent, Samarqand, Buxoro viloyatlarning diqqatga sazovor joylari va mamlakatimizning tog' turizmi imkoniyatlarini bilan tanishdi. Guruh a'zolari O'zbekistonga sayohat ularga katta taassurot qoldirganini va boshqa kuvaytliklarni ham yurtimizga sayohat qilishga chaqirishlarini ta'kidladi.

"Alrukn Alyamani" kompaniyasi vakillari esa kelgusida bu kabi turlarni tizimli ravishda yo'lga qo'yish, o'bekistonlik sheriklar bilan birgalikda Kuvaytda O'zbekiston sayyohlik salohiyatini keng targ'ib qilish maqsadlarini bildirdi.