TOSHKENT, 21-iyun. /"Dunyo" AA/. O'zbekiston tashqi ishlar vaziri Baxtiyor Saidov Istanbul shahrida bo'lib o'tgan IHT Tashqi ishlar vazirlari kengashining 51-sessiyasida ishtiroki doirasida Iroq Bosh vaziri o'rinbosari, tashqi ishlar vaziri Fuad Husayn bilan muzokara o'tkazdi, deb xabar qilmoqda "Dunyo" AA muxbiri.

"Iroq Bosh vaziri o'rinbosari, tashqi ishlar vaziri Fuad Husayn janoblari bilan mazmunli uchrashuv o'tkazganimizdan mamnunmiz, – deb yozdi O'zbekiston TIV rahbari o'zining telegram-kanalida. – O'zbekiston va Iroq o'rtasida siyosiy muloqot, iqtisodiy hamkorlik hamda madaniy almashinuvni mustahkamlash borasidagi o'zaro manfaatdorligimizni yana bir bor tasdiqladik. Ikki tomonlama munosabatlarda hali to'liq kashf qilinmagan salohiyat mavjudligini e'tirof etib, turli sohalarda yuqori darajadagi aloqalar va amaliy hamkorlikni kuchaytirish muhimligini ta'kidladik".