TOSHKENT, 6-avgust. /"Dunyo" AA/. O'zbekiston tashqi ishlar vaziri Baxtiyor Saidov bugun Iordaniya Bosh vaziri o'rinbosari, tashqi ishlar va ekspatriatlar masalalari bo'yicha vaziri Ayman Safadi bilan telefon orqali muloqot qildi, deb xabar bermoqda "Dunyo" AA muxbiri.

"Iordaniya Bosh vazir o'rinbosari, tashqi ishlar va ekspatriatlar masalalari bo'yicha vaziri Ayman Safadi janoblari bilan telefon orqali muloqot qildik, – deb yozdi O'zbekiston TIV rahbari o'zining telegram-kanalida. – Bo'lajak tadbirlar kun tartibi e'tibor markazimizda bo'ldi. O'zbekiston-Iordaniya ikki tomonlama munosabatlarimizni chuqurlashtirishga urg'u berib, iqtisodiy hamkorlikni kengaytirish, turizmni rivojlantirish va mamlakatlarimiz o'rtasidagi aloqalarni mustahkamlashning yangi imkoniyatlarini ko'rib chiqdik.

O'zaro manfaatli tashabbuslarni ilgari surish hamda mintaqaviy barqarorlik va farovonlik yo'lidagi umumiy intilishlarimizni yana bir bor tasdiqladik".

"Dunyo" AA arxividan olingan surat