Ўзбекистон ташқи ишлар вазири БМТнинг махсус маърузачиси билан учрашди
Август 21, 2024. 20:31 • 44 сония
• 247
ТОШКЕНТ, 21 август. /"Дунё" АА/. Ўзбекистон ташқи ишлар вазири Бахтиёр Саидов бугун БМТнинг уй-жой ҳуқуқи бўйича махсус маърузачиси Балакришнан Ражагопал билан учрашди, деб хабар қилмоқда "Дунё" АА мухбири.
"БМТнинг Уй-жой ҳуқуқи бўйича Махсус маърузачиси жаноб Балакришнан Ражагопал билан учрашдик, – деб ёзди Ўзбекистон ТИВ раҳбари ўзининг telegram-каналида. – Ўзбекистон Ҳукумати халқаро ташкилотлар билан кўплаб соҳаларда фаол ҳамкорлик қилмоқда. 2024 йил бошидан буён Ўзбекистон ташаббуси билан БМТнинг 5 та резолюцияси қабул қилинди. Биз БМТнинг махсус маърузачилари билан барча соҳаларда яқин ҳамкорликни давом эттиришга тайёрмиз".
Эслатиб ўтамиз, БМТнинг уй-жой ҳуқуқи бўйича махсус маърузачиси Балакришнан Ражагопал 19-30 август кунлари ташриф билан Ўзбекистонда бўлиб турибди. У миллий қонунчиликда ва амалиётда уй-жой ҳуқуқини ҳимоя қилиш ва амалга ошириш, жумладан, уй-жойнинг арзонлиги ҳамда яроқлилиги, хизматлардан фойдаланиш имкониятини ва мажбурий кўчиришни ўрганиб чиқади.
"Дунё" АА олган сурат
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Сўнгги янгиликлар
Барчаси
Мавзуга оид
Тошкентда Ўзбекистон-Бразилия сиёсий маслаҳатлашувлари бўлиб ўтди
Ўзбекистон ва Европа Иттифоқи илмий ва инновацион соҳаларда ҳамкорликни мустаҳкамламоқда
Ўзбекистон Ташқи ишлар вазири ўринбосари БАА Меҳмондўстлик академиясига ташриф буюрди
Ўзбекистон Президентининг махсус вакили JIСА Афғонистон офиси янги раҳбари билан учрашди