БУДАПЕШТ, 9 февраль. /“Дунё” АА/. Ўзбекистоннинг Венгриядаги элчихонасида Венгриянинг “MVM EGI Zrt” компанияси бош директори Петер Карпати билан учрашув ташкил этилди. деб хабар “Дунё” АА бермоқда.

Мулоқот давомида Ўзбекистонда қурилаётган атом электр станциясида қуруқ совитиш технологиясини жорий этиш лойиҳасининг амалга ошириш жараёни муҳокама қилинди.

Венгрия томони ишларнинг бориши юқори даражада эканлигини таъкидлаб, лойиҳанинг изчил ва самарали тарзда илгари сурилаётганини алоҳида қайд этди.

Шу билан бирга, лойиҳани амалий босқичга ўтказиш учун уч томонлама битимни имзолашни тезлаштириш мақсадга мувофиқлиги таъкидланди.

Учрашув якунида, компания раҳбари “MVM” гуруҳи Ўзбекистон бозорига киришдан манфаатдор эканлигини ва мамлакатда йирик ва узоқ муддатли стратегик ҳамкор сифатида иштирок этишни кўриб чиқаётганини маълум қилди. Шунингдек, у компания инвестиция лойиҳалари бўйича таклифларни кўриб чиқишга тайёрлигини билдирди.