“РБК” АА: Қорақалпоғистонда қиймати 5,1 миллиард долларлик майнинг лойиҳаси амалга оширилмоқда
Сентябрь 16, 2026. 11:00 • 2 дақ
• 81
МОСКВА, 16 сентябрь. /“Дунё” АА/. Қорақалпоғистонда умумий қиймати 5,11 миллиард долларга тенг бўлган “Bes Qala Mining Valley” махсус майнинг ҳудудини ташкил этиш лойиҳаси амалга оширилмоқда, деб хабар бермоқда “Дунё” АА мухбири Россиянинг “РБК” ахборот агентлигига таяниб.
Лойиҳада криптоактивлар майнинги учун дата-марказлар қуриш кўзда тутилган бўлиб, у ҳудуднинг инвестициявий жозибадорлигини ошириш, янги иш ўринларини яратиш ва “яшил” энергетикани ривожлантиришга қаратилган.
Майнинг ҳудуди иштирокчилари 2035 йил 1 январга қадар майнингдан олинадиган даромадлар бўйича солиқ солишдан озод этилади. Ягона энергетика тизимидан ёки қайта тикланувчи энергия манбаларидан, жумладан, водород электр станцияларидан электр энергияси олиш имконияти кўзда тутилган.
Ҳудуднинг энергетика инфратузилмасини ривожлантириш доирасида “ACWA Power” компанияси билан ҳамкорликда қиймати 3,3 миллиард доллар бўлган шамол электр станциясини қуриш лойиҳаси ҳам амалга оширилмоқда.
Ушбу лойиҳаларнинг амалга оширилиши рақамли инфратузилма ва “яшил” энергетикани ривожлантиришга, инвестицияларни жалб этишга ҳамда Қорақалпоғистоннинг иқтисодий салоҳиятини оширишга хизмат қилади.
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Сўнгги янгиликлар
Барчаси
Мавзуга оид
“OIC States Broadcasting Union”: Тошкентда очилган Замонавий санъат маркази халқаро маданий ҳамкорлик учун янги платформага айланади
“Al Diplomasy”: “Plastex Uzbekistan 2026” кўргазмаси Тошкентнинг минтақавий саноат маркази сифатидаги мақомини намойиш этади
Қирғизистон ОАВ: “Корея Республикаси – Марказий Осиё” биринчи саммити стратегик шериклик сари ташланган муҳим қадамдир
