ТОШКЕНТ, 8 июль. /“Дунё” АА/. Бугун дунё аҳолисининг қарийб 99 фоизи, тахминан 8,2 миллиард киши бир вақтнинг ўзида кундузги ёруғлик ёки ғира-шира қуёш нуридан баҳраманд бўлади, деб хабар бермоқда “Дунё” АА мухбири.

Бу ноёб ҳодисанинг энг юқори нуқтаси Тошкент вақти билан тахминан соат 16:10 да (ГМТ 11:10) кузатилиши кутилмоқда. Тахминан бир дақиқа давомида Қуёш сайёрамизнинг деярли барча энг зич жойлашган ҳудудлари – Шимолий ва Жанубий Америка, Европа, Африка ва Осиёнинг катта қисмини ёритади.

Бу вақтда дунё аҳолисининг атиги 1 фоизи – тахминан 83 миллион киши бутунлай қоронғиликда қолади. Тун Австралия, Янги Зеландия, Жануби-Шарқий Осиёнинг бир қисми, Антарктида ва унга туташ океан ҳудудларида кузатилади.

Бу ҳодиса Ер ўқининг оғиши ва Шимолий ярим шардаги ёз мавсумининг ўзига хос хусусиятлари билан боғлиқ. Гарчи 8 июль кўпинча алоҳида сана сифатида тилга олинса-да, бундай мос келишлик йилига тахминан 60 кун – май ва июль ойларининг ўрталарида содир бўлади.

Олимларнинг таъкидлашича, июндаги ёзги қуёш тутилиши ҳодисасидан сўнг у аста-секин жанубга силжийди ва натижада Индонезия ҳамда Филиппин каби аҳоли зич жойлашган минтақаларнинг кўпгина аҳолиси кундузги ёруғликдан баҳраманд бўлади.