БУХОРО, 5 июнь. /“Дунё” АА/. Ўзбекистон Ташқи ишлар вазирлиги, мамлакатимизда аккредитациядан ўтган дипломатик корпус ва халқаро ташкилотлар вакилларидан иборат делегация бугун Бухорога шаҳрига етиб келди, деб хабар бермоқда “Дунё” АА мухбири воқеа жойидан.

Икки кунлик ташрифнинг биринчи куни Бухоронинг тарихий ва боқий қадамжоларини зиёрат қилишдан бошланди.

Хусусан, делегация аъзолари Баҳоуддин Нақшбанд ёдгорлик мажмуаси ҳамда Уста Даврон номидаги Миллий миниатюра ва хаттотлик марказида бўлдилар.

6 июнь куни вилоятнинг сармоявий салоҳияти ва фаолият юритаётган замонавий ишлаб чиқариш корхоналари билан яқиндан танишиш режалаштирилган.