ҚОҲИРА, 5 январь. /“Дунё” АА/. Хусусий секторни ривожлантириш бўйича Ислом корпорацияси (ICD) Ўзбекистонда кичик ва ўрта бизнесни қўллаб-қувватлаш учун “Anor банк”га 10 миллион доллар миқдорида молиялаштириш линиясини тақдим этди, деб хабар бермоқда “Дунё” АА мухбири.

Мисрнинг “Sada al-Balad” нашрида эълон қилинган мақолада таъкидланишича, ушбу келишув ICD “Анор банк”ни молиялаштирган биринчи кўп томонлама ривожланиш банки сифатида иштирок этган биринчи битим бўлиб, мамлакатда хусусий сектор ўсишини тезлаштириш учун стратегик асос яратди.

Битим шартларига кўра, ажратилган маблағлар кичик ва ўрта бизнесни молиялаштиришга, хусусий секторнинг исломий молиявий ечимлардан фойдаланиш имкониятларини кенгайтиришга йўналтирилади. Бу “Anor банк”нинг бутун Ўзбекистон бўйлаб барқарор иқтисодий ўсишни рағбатлантириш бўйича миссиясига тўлиқ мос келади.

Ушбу молиялаштириш механизми “Анор Банк”нинг стратегик мақсадларини амалга оширишда муҳим босқич ҳисобланади. Хусусан, у кичик ва ўрта бизнесни ривожлантиришни кучайтириш, хусусий секторни молиялаштириш ҳажмини кенгайтириш, ислом молиясини тарғиб қилиш ва Ўзбекистон иқтисодиётини диверсификация қилишга ҳисса қўшишга қаратилган.

Ушбу ташаббус ICDнинг кичик ва ўрта бизнес ўсишини қўллаб-қувватлаш ва ташкилотга аъзо мамлакатларда барқарор иқтисодий ривожланишнинг асосий омиллари сифатида хусусий секторни ривожлантиришга қаратилган стратегик мандатига тўлиқ мос келади.

Келишув ICD ижрочи директори вазифасини бажарувчи доктор Холид Халафаллах ва “Anor Bank” бошқаруви раиси Шерзод Акрамов томонидан имзоланди.