КИЕВ, 2 апрель. /“Дунё” АА/. Украинанинг “Open4business” нашрига кўра, шу йилнинг 5 апрель куни Ўзбекистон пойтахтида навбатдаги Тошкент халқаро марафони бўлиб ўтади, деб хабар бермоқда “Дунё” АА мухбири.

Нашрда ёзилишича, ушбу нуфузли спорт тадбири халқлар ўртасида дўстликни мустаҳкамлаш, ўзаро ҳамкорликни ривожлантириш ва аҳоли ўртасида соғлом турмуш тарзини оммалаштиришга қаратилган.

Мусобақалар World Athletics (Халқаро енгил атлетика федерацияси) талабларига мувофиқ ташкил этилади.

Марафон ташкилотчиларининг маълум қилишича, жорий йилги пойга “World Athletics Label Road Race” мақомини олишга йўналтирилган. Бу эса мусобақанинг халқаро стандартларга мос равишда, юқори савияда ўтказиш ва натижаларнинг жаҳон миқёсида тан олинишини кафолатлайди.

Марафон дастури турли ёш ва тайёргарлик даражасидаги иштирокчилар учун қуйидаги масофаларни ўз ичига олади:

§ Марафон (42,195 км);

§ Ярим марафон (21,097 км);

§ 10 км ва 5 км масофага югуриш;

§ 2 км (имконияти чекланган шахслар учун махсус югуриш);

§ 3 км (скандинавча юриш);

§ Kids Run (болалар учун 1 км, 600 м ва 400 м масофалар).

Тошкент халқаро марафони нафақат спорт мусобақаси, балки Янги Ўзбекистоннинг очиқлиги ва меҳмондўстлигини намойиш этувчи ўзига хос маданий тадбирга айланиши кутилмоқда.