Ўзбекистон маҳсулотларини Туркия бозорига экспорт қилишда янги имкониятлар муҳокама қилинди
Август 13, 2026. 11:00 • 2 дақ
• 57
ИСТАНБУЛ, 13 август. /“Дунё” АА/. Ўзбекистон бош консули Шерзод Абдуназаров Туркиянинг етакчи электрон тижорат платформаларидан бири – “Trendyol” компанияси вакиллари билан учрашди, деб хабар бермоқда “Дунё” АА мухбири.
Учрашувда Ўзбекистонда ишлаб чиқарилган маҳсулотларни “Trendyol” онлайн платформаси орқали Туркия бозорида сотишни йўлга қўйиш, маҳаллий ишлаб чиқарувчилар ва тадбиркорларни халқаро электрон савдо майдонларига олиб чиқиш ҳамда уларнинг экспорт салоҳиятини ошириш масалалари муҳокама қилинди.
Музокараларда турк тадбиркорлари “Trendyol” компанияси акцияларининг 85 фоизи Хитойнинг “Alibaba” ва дунёнинг бошқа йирик компанияларига, 15 фоизи эса Туркияга тегишли эканини маълум қилди.
Турк томони Ўзбекистонда ишлаб чиқарилган товарларни “Trendyol” платформасида жойлаштириш ва сотишни ташкил этиш масаласида амалий кўмак кўрсатишга тайёрлигини маълум қилди. Хусусан, ўзбек ишлаб чиқарувчиларининг маҳсулотларини платформа талабларига мувофиқлаштириш, уларни онлайн савдо майдончасига олиб чиқиш бўйича ҳамкорлик имкониятлари муҳокама қилинди.
Мулоқот давомида Ўзбекистонда ишлаб чиқарилган экспортбоп маҳсулотлар рўйхатини шакллантириш ҳамда маҳсулотларни “Trendyol” платформасига жойлаштириш бўйича сўз юритилди.
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Сўнгги янгиликлар
Барчаси
Мавзуга оид
Ўзбекистон–Хитой иқтисодий ҳамкорлигини кенгайтиришнинг янги имкониятлари белгилаб олинди
Биринчи ярим йилликда Ўзбекистонга ўқиш мақсадида келган хорижликлар сони 2,2 бараварга ошди
