ГУАНЧЖОУ, 12-декабр. /“Дунё” АА/. Бош консулхона томонидан Хитой билан тиббиёт соҳасидаги ҳамкорлик алоқаларини кенгайтириш мақсадида Гуанчжоу шаҳрида ўтказилган “Интернатионал Медиcал Cооператион” халқаро форумида мамлакатимиз соғлиқни сақлаш тизими намойиш қилинди, деб хабар қилмоқда “Дунё” АА мухбири.

Гуандун провинсияси ҳукумати ва етакчи “Зҳужианг Ҳоспитал оф Соутҳ Медиcал Университй” (Чжусзян клиникаси) томонидан ташкил этилган тадбирда Хитойнинг 120 дан ортиқ соҳа мутахассислари, ихтисослаштирилган илмий-амалий марказлар, компания ва агентликлар ҳамда Ҳиндистон, Бангладеш, Малайзия, Камбоджа, Таиланд каби давлатлардан экспертлар иштирок этди.

Тақдимот давомида мамлакатимизда олиб борилаётган ислоҳотларнинг устувор ёъналишларидан бири – соғлиқни сақлаш тизимини трансформация қилиш, фуқароларга замонавий, сифатли ва самарали тиббий хизматлар кўрсатиш, соҳа муассасаларини модернизация қилиш, рақамлаштириш жараёнлари ҳамда яратилган қулай инвестицион муҳит тўғрисида батафсил маʼлумот берилди.

Чжусзян клиникаси президенти Го Хонгбо билан бўлиб ўтган суҳбат давомида замонавий диагностика-даволаш усуллари, ушбу жараёнларда фойдаланиладиган илғор технологиялар ва инновацион ечимлар юзасидан ўзаро тажриба ошириш, академик алмашинувларни фаоллаштириш, малака ошириш дастурларини ишлаб чиқиш масалалари муҳокама қилинди.