ВАШИНГТОН, 26 апрель. /“Дунё” АА/. АҚШ пойтахтидаги “Washington Hilton” меҳмонхонасида президент Дональд Трамп иштирок этган Оқ уй мухбирлари ассоциациясининг қабул маросими вақтида отишма содир бўлди, деб хабар бермоқда “Дунё” АА мухбири.

Залдаги журналистлар фикрича, отишмага ўхшаш овозлар тадбирнинг энг қизғин пайтида янграган. Махфий хизмат ходимлари қурол билан бинога бостириб кириб, “Ўқ узилди” деб бақирган ва шундан сўнг зудлик билан эвакуация бошланган.

Залдан давлатнинг биринчи раҳбарлари, жумладан, АҚШ президенти, биринчи хоним Мелания Трамп ва вице-президент Жей Ди Вэнс олиб чиқилди.

Полиция маълумотларига кўра, ҳужумчи махфий хизмат постига ҳужум қилиб, агентга қарата ўт очган, бироқ уни зирҳли нимчаси қутқариб қолган. Гумонланувчи сочма милтиқ, тўппонча ва пичоқлар билан қуролланган. Уни “ерга ағдариб” қўлга олишди.

Тахмин қилинган отишмачининг шахси аниқланди ­­– у 30 ёшли калифорниялик эркак. У судланмаган ва илгари ҳуқуқ-тартибот идоралари эътиборига тушмаган. Ҳужум сабаблари ҳозирча номаълум.

Воқеадан сўнг, Доналд Трамп шундай деб ёзди: “Махфий хизмат ва ҳуқуқ-тартибот идоралари ажойиб иш қилди. Улар тез ва дадил ҳаракат қилишди. Кейинроқ, у ҳибсга олинган шахс “жуда касал одам” ва унинг фикрича, “ёлғиз қотил” эканини айтди.

Президент, шунингдек, “қолиш учун жон-жаҳди билан курашгани, бироқ хавфсизлик протоколига мувофиқ жойни тарк этишга мажбур бўлгани”ни таъкидлаган. Оқ уй раҳбарининг сўзларига кўра, содир бўлган воқеа биринчи хонимга жуда қаттиқ таъсир қилган.

Тадбир камида бир ойга қолдирилди.

“Reuters” агентлиги сурати