Британиянинг етакчи муҳандислик компанияси Ўзбекистон ҳудудлари учун устувор бўлган лойиҳаларни ишлаб чиқишда кўмаклашади

Октябрь 09, 2025. 12:40 • 53 сония

• 147

Британиянинг етакчи муҳандислик компанияси Ўзбекистон ҳудудлари учун устувор бўлган лойиҳаларни ишлаб чиқишда кўмаклашади

ЛОНДОН, 9 октябрь. /"Дунё" АА/. Мамлакатимиз элчихонаси томонидан Ўзбекистон Иқтисодиёт ва молия вазирлиги ҳамда Британиянинг "ARUP" компанияси раҳбарияти ўртасида онлайн музокаралар ташкил этилди, деб хабар қилмоқда "Дунё" АА мухбири.

"ARUP" вакиллари компания Ўзбекистонда бир қатор лойиҳаларни муваффақиятли амалга оширганлигини мамнуният билан қайд этиш баробарида, юртимиздаги лойиҳалари йўналишларини кенгайтиришга тайёр эканини таъкидлашди.

Томонлар вилоят, шаҳар ва туманлар даражасидаги устувор лойиҳаларни ишлаб чиқиш ва амалга ошириш юзасидан фикр алмашилди.

Шунингдек ўқинг

1Мисрнинг етакчи фармацевтика компанияси Ўзбекистон бозорига қизиқиш билдирмоқда›

2Ўзбекистон банкирлари Малайзияда исломий банкинг бўйича малака оширди›

3ЮНЕСКО Ўзбекистоннинг Тошкент модернистик меъморчилиги Жаҳон мероси рўйхатига киритиш ташаббусини қўллаб-қувватлади›

4БМТда Ўзбекистоннинг барқарор урбанизация ва уй-жой сиёсатини ривожлантириш борасидаги тажрибаси тақдим этилди›

5Савдо-иқтисодий ҳамкорликни ривожлантириш мақсадида Ироқ Курдистони делегацияси Ўзбекистонга ташриф буюрди›

"ARUP" муҳандислик, лойиҳалаштириш ва уларни бошқариш соҳаларига ихтисослашган. Шунингдек, компания консалтинг, шу жумладан қурилиш, транспорт, энергетика ва сув ресурслари муҳандислиги йўналишларида фаолият юритади. Ўзбекистонда қатор лойиҳаларни амалга оширмоқда.