ТОШКЕНТ, 12 май. /"Дунё" АА/. Колумбиянинг Богота шаҳрида қиличбозликнинг шпага йўналиши бўйича гран-при турнири бўлиб ўтди, деб хабар қилмоқда "Дунё" АА мухбири.

Миллий Олимпия қўмитаси маълумотига кўра, мазкур мусобақада Ўзбекистон терма жамоаси аъзоси Вадим Анохин бронза медалини қўлга киритди.

Вадим саралаш босқичида Исроил, Гонконг, Италия, Чехия вакилларини мағлубиятга учратишга эришди. Бироқ ярим финалда қозоғистонлик Руслан Курбановга 14:15 ҳисобида имкониятни бой берди ва мусобақани учинчи ўрин билан якунлади.