ТОШКЕНТ, 23 май. /"Дунё" АА/. Россия Федерал Мажлиси Федерация Кенгаши 2025 йил 1 сенябрдан бошлаб 2029 йил 1 сентябргача Москва ва Москва вилоятида тажриба ўтказиш тўғрисидаги қонунни маъқуллади, деб хабар қилмоқда "Дунё" АА мухбири.

Ўзбекистоннинг Россиядаги элчихонаси консуллик бўлими telegram-канали маълумотига кўра, Россияга визасиз келган мигрантлардан қуйидагилар талаб этилади:

– рўйхатдан ўтиш;

– шахсий маълумотларни, шу жумладан геолокацияни кузатишга розилик бериш;

–      Вақтинча яшаш манзили тўғрисида ИИВни хабардор қилиш.

Агар уч кун ичида геолокация маълумотлари тақдим этилмаса, мигрант назоратдаги шахслар реестрига киритилиши мумкин (РКЛ).

Экспериментда қўйидаги тоифадаги шахслар жалб этилади:

– патент билан ишлаётганлар;

–      патентсиз ишлаш ҳуқуқига эга бўлганлар (Беларусь фуқароларидан ташқари);

– кириш мақсадини ўзгартирганлар;

– 90 кундан ортиқ бўлган, лекин ишламайдиганлар.

Мажбурий шартлар:

– Вақтинча яшаш манзили бўйича рўйхатдан ўтиш;

– дактилоскопиядан ўтиш;

– биометрик суратга олиш;

– геолокацияни кузатиш.

Мазкур тажриба муваффақиятли ўтса, Россиянинг бошқа ҳудудларига ҳам жорий этилиши режалаштирилмоқда.