Новосибирскда ватандошларга консуллик-ҳуқуқий ёрдам кўрсатилди
Сентябрь 28, 2026. 12:00 • 1 дақ
• 195
НОВОСИБИРСК, 28 сентябрь. /“Дунё” АА/. Ўзбекистоннинг Новосибирск шаҳридаги Бош консулхонаси Миграция агентлиги ваколатхонаси билан ҳамкорликда ушбу ҳудуддаги йирик қурилиш объектларида меҳнат қилаётган ватандошлар билан учрашди, деб хабар бермоқда “Дунё” АА мухбири.
Мулоқот давомида ҳамюртларга консуллик-ҳуқуқий ёрдам масалалари бўйича батафсил тушунтиришлар берилди.
Меҳнат ҳуқуқларини ҳимоя қилишга алоҳида эътибор қаратилди. Иш берувчи томонидан иш ҳақи асоссиз кечиктирилган ҳолатларда фуқароларга зудлик билан Бош консулхона ва Миграция агентлигига мурожаат қилиш тавсия этилди.
Ишчиларга баландликда ва пайвандлаш ишларини бажаришда техника хавфсизлиги қоидаларига қатъий риоя қилиш зарурлиги таъкидланди. Шахсий хавфсизлик чораларига амал қилиш муҳимлиги қайд этилди.
Дипломатлар Бош консулхона ва Миграция агентлиги ватандошларга келгусида ҳам ҳар томонлама кўмак кўрсатишга тайёр эканини айтди. Бу кўмак зарур ҳужжатларни расмийлаштириш ҳамда Новосибирскда ватандошларнинг ҳуқуқ ва қонуний манфаатларини ҳимоя қилишга қаратилган.
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Сўнгги янгиликлар
Барчаси
Мавзуга оид
Дипломатлар Британияда меҳнат қилаётган ватандошларнинг муаммо ва эҳтиёжларини ўрганди
Россиянинг Владимир ва Нижний Новгород вилоятларида меҳнат қилаётган ватандошлар билан учрашувлар ўтказилди
Ўзбекистонлик ёш мутахассислар учун Қувайт меҳмонхонасида амалиёт ўташ ва ишлаш имконияти яратилади
