БУДАПЕШТ, 14 сентябрь. /"Дунё" АА/. Венгрияда Ўзбекистон туристик салоҳиятига бағишланган тақдимот тадбири ўтказилди, деб хабар қилмоқда "Дунё" АА мухбири.

Тақдимот Ўзбекистон элчихонаси томонидан "1000 Út" туристик компанияси билан ҳамкорликда уюштирилди. Унда Венгриянинг расмий, ижтимоий-сиёсий, эксперт ва бизнес доиралари вакиллари қатнашди.

Элчи Ойбек Шаҳавдинов ўз маърузасида иштирокчиларни мамлакатимизнинг сайёҳлик ва инвестиция салоҳияти билан таништирди. Ўзбекистонда тадбиркорлар, хорижий инвесторлар ва туристлар учун қулай шарт-шароитлар яратишга қаратилган ислоҳотларга тўхталиб ўтилди.