ТОШКЕНТ, 29 декабрь. /“Дунё” AA /. Ўзбекистон хорижга 1,9 миллиард долларлик мева-сабзавотлар экспорт қилган, деб хабар бермоқда “Дунё” АА мухбири.

Ўзбекистон мева ва сабзавотлар экспортида барқарор ўсишни намойиш этиб, халқаро бозорлардаги ўз мавқейини мустаҳкамламоқда.

Миллий статистика қўмитаси маълумотларига кўра, январь-ноябрь ойлари давомида мамлакатимиз томонидан 1,9 миллиард доллар қийматидаги 2 миллион тонна маҳсулот экспорт қилинди. Бу ўтган йилнинг мос даврига нисбатан 36,8 фоизга кўпдир. Мева-сабзавот экспортининг мамлакат умумий экспорт ҳажмидаги улуши эса 6,3 фоизни ташкил этди.

Уларнинг таркиби қуйидагича:

- мева ва резаворлар – 580,9 минг тонна;

- сабзавотлар – 553 минг тонна;

- тарвуз-қовун – 232,9 минг тонна;

- ерёнғоқ ва ёнғоқлар – 25,8 минг тонна;

- мош – 129,6 минг тонна;

- бошқалар – 500 минг тонна.

Экспортнинг бу каби ўсиши логистика тизимининг яхшиланиши, ташқи бозорларнинг кенгайиши ва маҳсулот сифатининг ошиши туфайли амалга ошди.

Ўзбекистон халқаро майдонда янги ва сифатли мева-сабзавот маҳсулотларининг ишончли етказиб берувчиси сифатида ўз позициясини мустаҳкамлашда давом этмоқда.