ТОШКЕНТ, 25 декабрь. /“Дунё” АА/. Ўзбекистон ташқи ишлар вазири Бахтиёр Саидов бугун мамлакатимиздаги миссиясини якунлаётган Саудия Арабистони элчиси Юсуф ал-Утайбийни қабул қилди, деб хабар бермоқда “Дунё” АА мухбири.

“Мамлакатимиздаги фаолиятини якунлаётган Саудия Арабистони Подшоҳлигининг элчиси Юсуф fл-Утайбий жаноблари билан учрашдик, ­ – деб ёзди Ўзбекистон ТИВ вазири ўзининг telegram-каналида. – Суҳбат жараёнида сиёсий мулоқотни мустаҳкамлаш, савдо ва инвестиция ҳамкорлигини кенгайтириш, икки мамлакат ўртасидаги маданий ва гуманитар алоқаларни ривожлантириш масалаларини муҳокама қилдик.

Элчи жанобларига мамлакатимиздаги фидокорона фаолияти учун самимий миннатдорлик билдирилиб, келгусида улкан муваффақиятлар тилаймиз”.

Эслатиб ўтамиз, Юсуф ал-Утайбий 2021 йил 27 декабрь куни Ўзбекистон Президентига Саудия Арабистони элчиси сифатида ишонч ёрлиқларини топширган эди.

“Дунё” АА сурати