ТОШКЕНТ, 25 декабрь. / “Дунё” АА/. Ўзбекистон ташқи ишлар вазири Бахтиёр Саидов бугун Тожикистон элчиси Насредин Исматуллони қабул қилди, деб хабар қилмоқда “Дунё” АА мухбири.

“Тожикистоннинг Ўзбекистондаги элчиси Насредин Исматулло жаноблари билан учрашув ўтказдик,- деб ёзди Ўзбекистон ТИВ раҳбари ўзининг telegram-каналида. - Ўзбекистон-Тожикистон стратегик шериклик ва иттифоқчилик муносабатларининг 2025 йилдаги асосий ютуқларини атрофлича таҳлил қилдик, барча соҳаларда ижобий ўзгаришлар кузатилганини таъкидладик.

Келгуси йил учун кун тартибини шакллантиришга, жумладан олий ва юқори даражадаги мулоқотлар учун устувор йўналишларни белгилашга, қўшма лойиҳаларни амалга оширишга ва яхши қўшничилик муносабатларини янада мустаҳкамлашга алоҳида эътибор қаратдик”.

“Дунё” АА олган сурат