ТОШКЕНТ, 26 сентябрь. /"Дунё" АА/. Ўзбекистон ташқи ишлар вазири Бахтиёр Саидов Нью-Йорк шаҳрида Жазоир ташқи ишлар вазири Аҳмед Аттаф билан учрашди, деб хабар бермоқда "Дунё" АА мухбири.

"Жазоир ташқи ишлар вазири Аҳмед Аттаф жаноблари билан очиқ ва мазмунли учрашув ўтказдик, – деб ёзди Ўзбекистон ТИВ раҳбари ўзининг telegram-каналида. – Мулоқот чоғида икки томонлама алоқаларни мустаҳкамлаш, иқтисодий ва савдо ҳамкорлигини кенгайтириш, шунингдек, маданий ва таълим соҳаларидаги ҳамкорликни ривожлантириш масалалари муҳокама қилинди. Шунингдек, минтақавий ва кўп томонлама масалаларда яқин ҳамкорликнинг аҳамияти таъкидланиб, тинчлик ва барқарор тараққиётга бўлган умумий интилишимиз яна бир бор тасдиқланди.

Ўзбекистон ва Жазоир ишончли ҳамкорлар бўлиб, келгусида мулоқотни янада чуқурлаштириш ва ҳамкорликни кенгайтиришга қатъий интилмоқда".