TOSHKЕNT, 22-iyun. /“Dunyo” AA/. Tashqi ishlar vaziri Baxtiyor Saidov Singapurga tashrifi doirasida “Temasek Holdings” investitsiya kompaniyasining bosh ijrochi direktori Dilxan Pillay Sandrasegara bilan uchrashdi, deb xabar qilmoqda “Dunyo” AA muxbiri.

“Bosh qarorgohi Singapurda joylashgan “Temasek Holdings” kompaniyasi bosh ijrochi direktori Dilxan Pillay Sandrasegara janoblari bilan samarali uchrashuv o‘tkazdik, – deb yozdi O‘zbekiston TIV rahbari o‘zining telegram-kanalida. – Kompaniyaning jahon investitsiya bozorlaridagi katta tajribasi va uzoq muddatli rivojlanishga yo‘naltirilgan yondashuvi O‘zbekistonda amalga oshirilayotgan iqtisodiy islohotlar bilan hamohang ekanini ta’kidladik.

Suhbatimiz davomida qator yo‘nalishlarda amaliy hamkorlik salohiyati yuzasidan fikr almashdik”.

“Dunyo” AA olgan surat