“Al Diplomasy”: Yangi tashabbuslar O‘zbekiston va Serbiya o‘rtasidagi madaniy hamkorlikni yanada tizimli shaklga keltirishga qaratilgan
Sentabr 01, 2026. 15:00 • 1 daq
• 117
QOHIRA, 1-sentyabr. /“Dunyo” AA/. Misrning “Al Diplomasy” axborot agentligida O‘zbekiston va Serbiya o‘rtasidagi madaniy diplomatiyani rivojlantirishga bag‘ishlangan maqola eʼlon qilindi, deb xabar bermoqda “Dunyo” AA muxbiri.
Materialda O‘zbekiston madaniyat vaziri Ozodbek Nazarbekovning ikki tomonlama munosabatlarni madaniy va ilmiy loyihalar orqali rivojlantirishga qaratilgan yondashuvi tahlil qilingan.
Xususan, Muhammad al-Xorazmiy va Nikola Teslaning umumiy ilmiy merosi, ularning ikki mamlakat o‘rtasidagi gumanitar aloqalarni rivojlantirishdagi o‘rniga alohida eʼtibor qaratilgan.
Madaniy hamkorlikning amaliy yo‘nalishlari sifatida “Al-Xorazmiydan Teslagacha” qo‘shma filmini yaratish, tarjima dasturlarini amalga oshirish, arxivlarni raqamlashtirish, Toshkent va Belgrad o‘rtasida madaniy almashinuvlarni kengaytirish hamda o‘zaro Madaniyat kunlarini o‘tkazish takliflari ilgari surilgan.
Nashrda bunday tashabbuslar O‘zbekiston va Serbiya o‘rtasidagi madaniy muloqotni yana-da tizimli tusga keltirishga xizmat qilishi taʼkidlangan.
Telegram kanalimizga obuna bo‘ling
Barcha yangiliklar va yangilanishlardan birinchi bo‘lib xabardor bo‘ling!
So‘nggi yangiliklar
Barchasi
Mavzuga oid
Bosh vazir Narendra Modining O‘zbekistonga tashrifi va ShHT sammiti Hindiston OAV markazida
“Vecherniy Bishkek”: Sanoat kooperatsiyasi, raqamli texnologiyalar, shuningdek, transport-logistika loyihalari O‘zbekistonning SHHT mamlakatlari bilan hamkorligining asosiy yo‘nalishlari bo‘lib qolmoqda
