TOSHKENT, 23-yanvar. /“Dunyo” AA/. 2025-yilning aprel oyida Dubaydagi ommaviy mushtlashuvda ishtirok etgan O‘zbekiston fuqarolariga nisbatan ud hukmi eʼlon qilindi deb xabar qilmoqda “Dunyo” AA muxbiri.

Avvalroq ijtimoiy tarmoqlarda 6 nafar vatandoshimizga o‘lim hukmi berilgani haqida tarqalgan xabarlar o‘z tasdig‘ini topmadi. Sud hukmiga ko‘ra, 8 nafar O‘zbekiston fuqarosiga umrbod ozodlikdan mahrum qilish jazosi tayinlandi, 1 nafar fuqaroga esa 25 yil muddatga ozodlikdan mahrum qilish jazosi berildi.

Tashqi ishlar vazirligi matbuot kotibining maʼlumotiga ko‘ra, hozirda O‘zbekistonning tegishli idoralari va BAAdagi diplomatik vakolatxonalari tomonidan vaziyat to‘liq nazoratga olingan. Vatandoshlarimizning huquqlarini himoya qilish va vaziyatni huquqiy jihatdan o‘rganish bo‘yicha barcha zarur choralar ko‘rilmoqda.