O‘zbekistonga Buyuk Britaniyaning Eksportni moliyalashtirish agentligi moliyaviy resurslari jalb etiladi
Fevral 27, 2026. 11:09 • 35 soniya
• 55
TOSHKENT, 27-fevral. /“Dunyo” AA/. Kecha Londonda O‘zbekiston tashqi ishlar vaziri Baxtiyor Saidov Buyuk Britaniya Eksportni moliyalashtirish agentligi – UK Export Finance bosh ijrochi direktori Tim Rid bilan uchrashdi, deb xabar bermoqda “Dunyo” AA muxbiri.
“Buyuk Britaniya Eksportni moliyalashtirish agentligi (UKEF) bosh ijrochi direktori janob Tim Rid bilan samarali uchrashuv o‘tkazildi, – deb yozdi O‘zbekiston TIV rahbari o‘zining telegram-kanalida. – Muloqot davomida mamlakatimizda amalga oshirilayotgan iqtisodiy islohotlar, investitsiya muhitini yanada yaxshilash hamda barqaror iqtisodiy o‘sishni taʼminlashda xususiy sektorning rolini kuchaytirish masalalari muhokama qilindi.
Shuningdek, O‘zbekistonda ustuvor infratuzilma loyihalarini amalga oshirish maqsadida UKEF moliyaviy resurslaridan foydalanish bo‘yicha Anglashuv memorandumini imzolandi”.
Telegram kanalimizga obuna bo‘ling
Barcha yangiliklar va yangilanishlardan birinchi bo‘lib xabardor bo‘ling!
Barchasi
