O‘zbekiston va Daniya o‘rtasida biznes hamkorligini kengaytirish istiqbollari muhokama qilindi
Avgust 12, 2026. 16:00 • 2 daq
• 71
KOPENGAGEN, 12 avgust. /“Dunyo” AA/. O‘zbekistonning Stokgolm shahridagi elchixonasi tashabbusi bilan Daniya TIV Yevropa qo‘shnichiligi departamenti direktori Peter Lassen va Daniya Sanoat konfederatsiyasi direktori o‘rinbosari Yens Xolst-Nilsen ishtirokida onlayn uchrashuv o‘tkazildi, deb xabar bermoqda “Dunyo” AA muxbiri.
Unda O‘zbekiston va Daniya o‘rtasida savdo-iqtisodiy, investitsiyaviy va texnologik hamkorlikni kengaytirish, ishbilarmon doiralar o‘rtasida to‘g‘ridan-to‘g‘ri aloqalarni rivojlantirish hamda xususiy sektor vakillari o‘rtasidagi muloqotni faollashtirish masalalari muhokama qilindi.
Shuningdek, muloqot davomida Daniyaning yuqori texnologiyali va innovatsion kompaniyalarini O‘zbekiston iqtisodiyotining ustuvor tarmoqlariga jalb etish istiqbollariga alohida eʼtibor qaratildi. Jumladan, tog‘-kon sanoati, energiya tejamkorligi, kimyo sanoati, baliqchilik, chorvachilik va qishloq xo‘jaligi sohalarida hamkorlik qilish imkoniyatlari ko‘rib chiqildi.
Onlayn uchrashuv yakunida ikki mamlakat ishbilarmon doiralari o‘rtasidagi amaliy aloqalarni kuchaytirish maqsadida biznes delegatsiyalar almashinuvini tashkil etishga kelishib olindi.
Telegram kanalimizga obuna bo‘ling
Barcha yangiliklar va yangilanishlardan birinchi bo‘lib xabardor bo‘ling!
So‘nggi yangiliklar
Barchasi
Mavzuga oid
O‘zbekiston diplomatlari Yaponiyaning Xirosima prefekturasida bir qator uchrashuvlar o‘tkazdi
O‘zbekiston–Yaponiya taʼlim va sanoat hamkorligining yangi yo‘nalishlari belgilab olindi
Rossiyaning Primorye o‘lkasida O‘zbekiston savdo uyini ochish masalasi muhokama qilindi
O‘zbekiston Yoshlar parlamenti vakillari Belarusda bo‘lib o‘tadigan “Taʼlim moduli” loyihasida ishtirok etadi
