BELGRAD, 23-dekabr. /“Dunyo” AA/. Serbiya poytaxtida mamlakatimiz elchisi Oybek Shaxavdinov va Belgrad shahri meri o‘rinbosari Vesna Vidoyevich o‘rtasida uchrashuv bo‘lib o‘tdi deb xabar qilmoqda “Dunyo” AA muxbiri.

Tomonlar munitsipal va madaniy darajadagi ikki tomonlama hamkorlikni rivojlantirish masalalarini muhokama qildi. Uchrashuvda ko‘chalarga O‘zbekiston va Serbiya sharafiga nom berish, madaniyat va sanʼat tadbirlarini tashkil etish, Belgradda O‘zbekiston ko‘rgazmalarini o‘tkazish imkoniyatlari ko‘rib chiqildi.

Galdagi qadamlar sifatida, tomonlar qo‘shma loyihalarning tafsilotlarini kelishib olish uchun ikki mamlakatning tegishli muassasalari o‘rtasida muzokaralar o‘tkazishga kelishib oldi.