TOSHKENT, 10-dekabr. /"Dunyo" AA/. O'zbekiston tashqi ishlar vaziri Baxtiyor Saidov bugun tashrif bilan mamlakatimizda bo'lib turgan Xorvatiya tashqi va Yevropa ishlari vaziri Gordan Grlich-Radman bilan uchrashdi, deb xabar qilmoqda "Dunyo" AA muxbiri.

"Bugun Tashqi ishlar vazirligida Xorvatiya tashqi va Yevropa ishlari vaziri Gordan Grlich-Radman janoblarini kutib olishdan mamnunmiz, – deb yozdi O'zbekiston TIV rahbari o'zining telegram-kanalida. – Uchrashuvimiz kun tartibi juda keng bo'lib, hamkorlikning barcha yo'nalishlarini qamrab oldi. Ikki tomonlama aloqalarimizni mustahkamlash va bundan buyon dinamik almashinuvni ta'minlash zarurligini ta'kidladik. Oldimizga yangi maqsadlar qo'ydik, kelgusi yil rejalarini muhokama qildik va mamlakatlarimiz ishbilarmon doiralari o'rtasida yaqin hamkorlikni qo'llab-quvvatlashga kelishib oldik".

Eslatib o'tamiz, O'zbekiston va Xorvatiya tashqi ishlar vazirlari sentyabr oyi oxirida Nyu-Yorkda shahrida bo'lib o'tgan BMT Bosh Assambleyasi doirasida uchrashgan edilar. Vazirlar yaqin siyosiy muloqot o'rnatish, savdo va investitsiyaviy hamkorlikni faollashtirish, madaniy aloqalar va xalq diplomatiyasini rivojlantirishga tayyor ekanliklarini tasdiqladilar.

O'zbekistonning birinchi elchisi Oybek Shaxavdinov noyabr oyida Xorvatiya Prezidenti Zoran Milanovichga ishonch yorliqlarini topshirdi.

"Dunyo" AA olgan surat