TOSHKENT, 12-avgust./ "Dunyo" /. O'zbekiston tashqi ishlar vaziri Baxtiyor Saidov bugun Fransiya elchisi Oreliya Bushezni qabul qildi, deb xabar bermoqda "Dunyo" AA muxbiri.

"Mamlakatimizda o'z faoliyatini yakunlayotgan Fransiyaning Favqulodda va Muxtor Elchisi Oreliya Bushez xonimni bugun TIVda qabul qildik, – deb yozdi O'zbekiston TIV rahbari o'zining telegram-kanalida. – So'nggi yillarda O'zbekiston- Fransiya ikki tomonlama aloqalari mislsiz dinamikani namoyon etdi, mamlakatlarimiz tarixiy marralarga erishdi, davlatlarimiz strategik hamkorlarga aylandi.

Elchi xonimning aloqalarimiz sarhadlarini kengaytirishga qo'shgan doimiy hissasini yuksak qadrlaymiz va yangi faoliyatida barcha yutuqlarni tilaymiz".

Eslatib o'tamiz, Oreliya Bushez 2021-yil 27-dekabr kuni O'zbekiston Prezidentiga Fransiyaning mamlakatimizdagi elchisi sifatida ishonch yorliqlarini topshirgan edi.

Fransiya elchisi "Dunyo" AA uchun bergan intervyularidan  birida, "O'zbekiston chuqur iqtisodiy va ijtimoiy islohotlar yo'lidan bormoqda. Bu o'zgarishlar investitsiya, qo'shma korxonalar va savdo sherikliklari uchun yangi ufqlarni ochyapti. Fransiya boshqa muhim tarmoqlar qatori innovatsiyalar va texnologiyalar sohasida ham boy tajribaga ega bo'lib, bu jarayonda faol ishtirok etishga tayyor", – deya ta'kidlagan edi.

"Dunyo" AA olgan surat