ТОШКЕНТ, 11 июнь./ "Дунё" АА/. Европа Иттифоқи делегацияси раҳбари, элчи Тойво Клаар "Дунё" АА учун интервьюсида 9-12 июнь кунлари Ўзбекистон пойтахтида бўлиб ўтаётган Тошкент халқаро инвестиция форуми ҳақидаги фикрларини билдирди:

– IV Тошкент халқаро инвестиция форуми Ўзбекистон учун ҳам, Марказий Осиё учун ҳам катта аҳамиятга эга. У кенг доирадаги иштирокчиларни бирлаштиради. Айниқса, Европа Иттифоқи ва Ўзбекистон ўртасидаги муносабатлар нуқтаи назаридан, форум давомида Европа Иттифоқининг икки олий мартабали делегацияси мамлакатимизда бўлганини алоҳида таъкидлаш жоиз. Бундан ташқари, тадбир доирасида Словакия ва Болгария учун иккита алоҳида бизнес-форум ўтказилмоқда, бу эса Европа Иттифоқи ва Ўзбекистон ўртасидаги ўзаро ҳамкорликнинг юксак даражада эканлигини кўрсатади.

Ўзбекистон ислоҳотлар жараёнида узоқ йўлни босиб ўтди. Кўп ютуқларга эришилди ва Ўзбекистон сезиларли ютуқларга эришди. Энди ислоҳотларни амалга оширишда мақсадли олға интилишда давом этиш муҳим.