Маскат шаҳрида Ўзбекистон ва Ўмон ўртасида инвестициявий ҳамкорликни кенгайтириш масалалари кўриб чиқилди
Апрель 04, 2026. 15:00 • 2 дақ
• 116
МАСКАТ, 5 апрель. /“Дунё” АА/. Ўзбекистон элчиси Абдусалом Хатамов Ўмон инвестиция агентлиги вице-президенти Мулҳам Башир ал-Жарф билан учрашув ўтказди, деб хабар қилмоқда “Дунё” АА мухбири.
Мулоқот чоғида Ўмон инвестиция агентлиги томонидан Ўзбекистон иқтисодиётига киритилаётган сармоялар учун миннатдорлик билдирилди.
Ўзбекистон ва Ўмон томонидан ташкил этилган Ўзбек–Ўмон қўшма инвестиция компанияси ҳозирга қадар мамлакат иқтисодиётига 250 миллион АҚШ долларидан ортиқ сармоя киритиб, қатор лойиҳаларни муваффақиятли амалга оширмоқда.
Учрашувда Сурхондарё вилоятида ташкил этилаётган “Сурхон–Агро” эркин иқтисодий зонаси ҳақида маълумот берилди. Ушбу лойиҳага Ўмон инвестиция агентлигини жалб қилиш имкониятлари кўриб чиқилди.
Шу билан бирга, Ўзбекистон инвестициялар, саноат ва савдо вазири Лазиз Кудратов номидан Ўмон инвестиция агентлиги раҳбариятига жорий йил 16–19 июнь кунлари бўлиб ўтадиган V Тошкент халқаро инвестиция форумига таклифнома топширилди.
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Барчаси
