ТОШКЕНТ, 12 ноябрь. /"Дунё" АА/. ЮНЕСКОнинг янги бош директори, доктор Халид ал-Анани Ўзбекистонга расмий ташрифи доирасида Бухоро замонавий санъат биенналесида бўлди, деб хабар бермоқда "Дунё" АА мухбири Ўзбекистон Маданият ва санъатни ривожлантириш жамғармаси телеграм-каналига таяниб.

Ташриф чоғида ЮНЕСКО раҳбари биеннале юксак савияда ташкил этилгани, санъат йўналишлари хилма-хиллиги, замонавий санъат Бухоронинг ўзига хос тарихий-маданий муҳити билан уйғунлашганини қайд этди.

Доктор Халид ал-Анани таъкидлашича, Бухоро биенналеси каби маданий ташаббусларни қўллаб-қувватлаш ЮНЕСКО фаолиятининг муҳим йўналиши бўлиб, санъат орқали халқаро мулоқотни мустаҳкамлашга хизмат қилади.