МАСКАТ, 14 октябрь. /“Дунё” АА/. Ўмоннинг “Asdaa Oman” газетасида Ўзбекистон Президенти Шавкат Мирзиёевнинг Янги Тошкент шаҳрида янги объектлар очилиши ва йирик шаҳарсозлик лойиҳаларининг амалга оширилишига бағишланган тадбирдаги иштироки ҳақида мақола эълон қилинди, деб хабар бермоқда “Дунё” АА мухбири.

Нашрда таъкидланишича, умумий қиймати 1 миллиард доллар бўлган 7 та лойиҳа, жумладан, “Шарқ баҳори” турар жой мажмуасининг биринчи босқичи, “Янги Тошкент” электр подстанцияси, Савдо-саноат палатаси биноси, “Соҳил боғи” ҳамда 2000 ўқувчига мўлжалланган мактаб фойдаланишга топширилди. Ушбу объектларни барпо этишда туркиялик ва хитойлик компаниялар иштирок этган.

Шунингдек, Туркия, Хитой ва Бирлашган Араб Амирликлари компаниялари ҳамкорлигида умумий қиймати 2,5 миллиард долларлик 10 та йирик лойиҳа, шу жумладан, “Deep Tech Park” саноат зонаси, “Metropolis” бизнес маркази, “Silk City”, “Ал-Муж” ва “Ал-Маржон” турар жой мажмуалари ҳамда Янги Тошкент марказий шифохонаси қурилишига старт берилди.