ТОШКЕНТ, 7 май. /“Дунё” АА/. Шу йил 12–14 may kunlari CAEx Uzbekistan халқаро кўргазма марказида мамлакат ёқилғи-энергетика комплексининг энг муҳим кўргазма-конференция тадбирларидан бири – Ўзбекистон энергетика ҳафталиги – UEW 2026 бўлиб ўтади, деб хабар бермоқда “Дунё” АА мухбири.

Ўзбекистон Халқаро энергетика ҳафталиги UEW Ўзбекистон Энергетика вазирлиги ва “Ўзбекнефтегаз” АЖнинг анъанавий кўмагида ўтказиладиган муҳим йиллик халқаро тадбирдир. Унда етакчи экспертлар, новаторлар ва соҳа етакчилари, давлат органлари ва халқаро бизнес вакиллари стратегик кун тартибини шакллантириш, узоқ муддатли ривожланиш устуворликларини аниқлаш ва илғор энергетика ечимларини жорий этишни тезлаштириш мақсадида иштирок этади.

Кенг қамровли UEW 2026 дастури “Янги энергетика: Инновациялар. Барқарорлик. Минтақавий ҳамкорлик” шиори остида режалаштирилган бўлиб, ёқилғи-энергетика комплексининг иккита асосий таркибий қисми – углеводородлар қазиб олиш ва электр энергетика бўйича бир қатор соҳа кўргазмалари ва анжуманларини ўз ичига олади. Ушбу тадбирлар соҳани ривожлантириш кун тартиби ва минтақавий мулоқотни белгилашда стратегик аҳамиятга эгадир.

UEW 2026 дастурига қуйидаги муҳим соҳа тадбирлари киради:

·    Ўзбекистон Халқаро энергетика форуми

·    28-Халқаро "Ўзбекистон нефть ва гази" анжумани

·    6-Халқаро энергетика анжумани

·    OGU 2026 – 28-Халқаро Ўзбекистон нефть ва гази кўргазмаси

·    Power Uzbekistan 2026 – 19-Халқаро энергетика, энергия тежаш, ядро энергетикаси ва муқобил энергия манбалари кўргазмаси

·    GETCA 2026 – Марказий Осиёнинг яшил энергия тежовчи технологиялари ихтисослаштирилган бўлими

Уч кун давомида ёқилғи-энергетика соҳасининг барча сегментларидан етакчи компаниялар замонавий технологик ечимлар ва соҳа ютуқларини тақдим этади.

Ўзбекистон энергетика ҳафталигида қуйидаги 31 мамлакатдан 537 та компания ва бренд, 125 та спикер ва 1000 дан ортиқ делегат иштирок этади: АҚШ, Австрия, БАА, Беларусь, Бельгия, Буюк Британия, Чехия, Дания, Франция, Германия, Грузия, Иордания, Италия, Корея Республикаси, Марокаш, Миср, Нидерландия, Норвегия, Озарбайжон, Польша, Қатар, Қозоғистон, Қирғизистон, Россия, Саудия Арабистони, Сингапур, Туркия, Хитой, Япония, Ўзбекистон, Швейцария.

Беларусь, Германия, Хитой ва Туркия компаниялари миллий павильон форматида иштирок этади. Италия, Корея Республикаси ва Россия жамоавий стендларда ўз маҳсулотлари ва технологияларини намойиш қилади.

Uzbekistan Energy Week хорижий инвесторлар ва технология компанияларининг Ўзбекистон энергетика бозорига доимий қизиқишини намойиш қилади. Барқарор ривожланиш ва илғор технологияларни жорий этишга қаратилган ушбу тадбир Марказий Осиёдаги асосий энергия платформаси сифатидаги мавқеини мустаҳкамлашда давом этмоқда.

Ташкилотчилар – Iteca Exhibitions халқаро кўргазмалар компанияси ва унинг ҳамкорлари ICA Eurasia Group ҳамда Congresss of Central Asia – CCA.

Минтақанинг энергетика секторининг келажаги қандай шаклланаётганини билиб олинг ва онлайн-бейджингизни олдиндан олинг:

Uzbekistan Energy Forum – https://energyforum.uz/uz/posetitx-vstavku

OGU 2026 – https://oilgas.uz/ru/posetitx-vstavku

Power Uzbekistan 2026 – https://power-uzbekistan.uz/ru/posetitx-vstavku

Мурожаат учун телефон: 71 205-14-14.