ПАРИЖ, 2 июнь. /“Дунё” АА/. Ўзбекистоннинг Париждаги элчиси Нодир Ганиев ва Португалия Тадбиркорлар конфедерацияси президенти Арминду Монтейру ўртасида онлайн учрашув бўлиб ўтди, деб хабар бермоқда “Дунё” АА мухбири.

Унда Ўзбекистон ва Португалия ўртасидаги савдо-иқтисодий ҳамкорликнинг бугунги ҳолати ва истиқболлари муҳокама қилинди.

Томонлар инвестициялар, саноат кооперацияси, қишлоқ хўжалиги, ахборот технологиялари, логистика ва туризм соҳаларида ҳамкорликни янада ривожлантириш масалаларига алоҳида эътибор қаратилди.

Мулоқотда якунида мамлакатимизнинг экспорт салоҳиятини Португалия бозорида кенг тарғиб қилиш мақсадида Порту шаҳрида “Made in Uzbekistan” савдо-иқтисодий тадбирини ташкил этиш имкониятлари кўриб чиқилди.