ТОШКЕНТ, 27 ноябрь. /"Дунё" АА/. Ўзбекистон ташқи ишлар вазири Бахтиёр Саидов бугун Сомалининг мамлакатимиздаги биринчи элчиси Фатхудин Али Моҳамедни қабул қилди, деб хабар бермоқда "Дунё" АА мухбири.

"Сомали Федератив Республикасининг Ўзбекистон Республикасидаги биринчи элчиси Фатхудин Али Моҳамед жанобларининг ишонч ёрлиқларини қабул қилдик, – деб ёзди Ўзбекистон ТИВ раҳбари ўзининг  telegram-каналида. – Мамлакатларимиз ўртасидаги кўплаб истиқболли йўналишларда ўзаро манфаатли ҳамкорликни янада мустаҳкамлашга содиқлигимизни билдирдик.

Элчининг муҳим дипломатик миссиясида улкан муваффақиятлар тилаймиз ҳамда самарали ва натижага йўналтирилган ҳамкорликни биргаликда ривожлантирамиз".

"Дунё" АА олган сурат