“Вечерний Бишкек”: Тошкентдаги олий даражадаги Термиз мулоқотига бутун дунёдан етакчи экспертлар тўпланмоқда
Июнь 05, 2026. 12:55 • 2 дақ
• 73
БИШКЕК, 5 июнь. /“Дунё” АА/. Қирғизистоннинг оммабоп “Вечерний Бишкек” нашрида Тошкент шаҳрида бўлиб ўтаётган Марказий ва Жанубий Осиё ўртасидаги ўзаро боғлиқлик бўйича Термиз мулоқотининг иккинчи йиғилиши ҳақида мақола эълон қилинди, деб хабар бермоқда “Дунё” АА мухбири.
Нашрда ёзилишича, ушбу нуфузли форумда Марказий ва Жанубий Осиё давлатлари, Европа, МДҲ, Яқин Шарқ ва Америкадан 150 дан ортиқ сиёсий, ишбилармон ва эксперт доиралари, етакчи таҳлил марказлари ҳамда халқаро ташкилотлар вакиллари иштирок этади.
Анжуман дастуридан юқори даражадаги пленар мажлис, иқлим ўзгаришига мослашиш, экологик барқарорлик ва маданий-гуманитар ҳамкорликни чуқурлаштиришга бағишланган махсус сессиялар ўрин олган. Шунингдек, экспертлар минтақавий хавфсизлик, Афғонистон билан ҳамкорликни кенгайтириш, транспорт-логистика занжирларини ривожлантириш ва Марказий Осиёнинг минтақавий ўзлик масалаларини атрофлича муҳокама қилади.
“Қирғизистон ушбу форумнинг фаол иштирокчиси бўлиб келган ва шундай бўлиб қолади. Диалогда қатнашиш республикага Евроосиё минтақасидаги позицияларини мустаҳкамлаш ва Жанубий Осиё давлатлари билан шерикликни кенгайтириш имконини беради”, – дея хулоса қилинган нашрда.
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Сўнгги янгиликлар
Барчаси
Мавзуга оид
“Associated Press of Pakistan”: Ўзбекистон ва Россия ўртасидаги комплекс транспорт-логистика ҳамкорлиги стратегик аҳамиятга эга
