БЕЛГРАД, 23 декабрь. /“Дунё” АА/. Сербия пойтахтида мамлакатимиз элчиси Ойбек Шахавдинов ва Белград шаҳри мэри ўринбосари Весна Видоевич ўртасида учрашув бўлиб ўтди деб хабар қилмоқда “Дунё” АА мухбири.

Томонлар муниципал ва маданий даражадаги икки томонлама ҳамкорликни ривожлантириш масалаларини муҳокама қилди. Учрашувда кўчаларга Ўзбекистон ва Сербия шарафига ном бериш, маданият ва санъат тадбирларини ташкил этиш, Белградда Ўзбекистон кўргазмаларини ўтказиш имкониятлари кўриб чиқилди.

Галдаги қадамлар сифатида, томонлар қўшма лойиҳаларнинг тафсилотларини келишиб олиш учун икки мамлакатнинг тегишли муассасалари ўртасида музокаралар ўтказишга келишиб олди.