ТОШКЕНТ, 3 декабрь. / “Дунё” АА/. Ўзбекистон ташқи ишлар вазири Бахтиёр Саидов Австрияга ташрифи доирасида кеча Қуйи Австрия федерал ўлкаси губернатори Йоханна Микль-Лайтнер билан учрашди, деб хабар бермоқда “Дунё” АА мухбири.

“Қуйи Австрия губернатори Йоханна Микль-Лайтнер билан самарали учрашув ўтказдик, – ёзди Ўзбекистон ТИВ вазири ўзининг telegram-каналида. – Алоқаларимизни янада мустаҳкамлаш, қўшма лойиҳаларни қўллаб-қувватлаш ҳамда ишбилармон доиралар ва таълим муассасалари ўртасида яқин ҳамкорликни ривожлантириш борасида фикр алмашдик.

Ҳар икки томон учун амалий фойда келтиришга қаратилган янги лойиҳаларни ишлаб чиқишга келишдик”.