LYUBLYANA, 19-iyul. /“Dunyo” AA/. O‘zbekiston elchisi Oybek Shaxavdinov Sloveniya tashqi va Yevropa ishlari vaziri Tone Kayzer bilan uchrashuv o‘tkazdi, deb xabar qilmoqda “Dunyo” AA muxbiri.

Muzokaralar chog‘ida O‘zbekiston – Sloveniya munosabatlarining bugungi holati va ularni yanada rivojlantirish istiqbollari, oliy darajada erishilgan kelishuvlarni amalga oshirish, shuningdek, siyosiy muloqot, savdo-iqtisodiy va investitsiyaviy hamkorlikni kengaytirish masalalari muhokama qilindi.

Tomonlar ikki mamlakatning sohaviy idoralari o‘rtasidagi amaliy hamkorlikni mustahkamlash, qo‘shma loyihalarni ilgari surish hamda bo‘lajak ikki tomonlama tadbirlarga tayyorgarlik ko‘rish yuzasidan fikr almashdi.

Uchrashuv yakunida O‘zbekiston – Sloveniya hamkorligini yanada chuqurlashtirishga o‘zaro qiziqish tasdiqlanib, erishilgan kelishuvlarni amaliy ro‘yobga chiqarish maqsadida faol ishchi muloqotlarni davom ettirish bo‘yicha kelishuvga erishildi.