Budapeshtda ta’lim va diplomatiya yo‘nalishidagi sheriklik muhokama qilindi
Mart 25, 2026. 11:00 • 52 soniya
• 61
BUDAPESHT, 25-mart. /“Dunyo” AA/. O‘zbekiston elchisi Oybek Shaxavdinov Vengriya tashqi ishlar va savdo vazirligi davlat kotibi o‘rinbosari Syuch Adam Imre bilan muzokara o‘tkazdi, deb xabar bermoqda “Dunyo” AA muxbiri.
Suhbat davomida tomonlar o‘zbekistonlik talabalarning Vengriya oliy ta’lim muassasalarida tahsil olish imkoniyatlarini kengaytirish, xususan, “Stipendium Hungaricum” dasturidan samarali foydalanish masalalarini muhokama qildi.
Muloqot chog‘ida O‘zbekiston va Vengriya tashqi ishlar vazirliklari o‘rtasida diplomatik kadrlar tayyorlash hamda axborot almashish bo‘yicha imzolangan Anglashuv memorandumini amalga oshirishga alohida e’tibor qaratildi.
Ta’kidlanganidek, mazkur qo‘shma tashabbuslar mutaxassislarning kasbiy kompetensiyalarini oshirish, O‘zbekiston va Vengriya xalqlari o‘rtasidagi do‘stona munosabatlarni yanada mustahkamlashga xizmat qiladi.
Telegram kanalimizga obuna bo‘ling
Barcha yangiliklar va yangilanishlardan birinchi bo‘lib xabardor bo‘ling!
Barchasi
