VITEBSK, 16-may. /"Dunyo" AA/. P.M.Masherov nomidagi Vitebsk davlat universitetining Botanika bog'ida Ikkinchi jahon urushida qozonilgan G'alabaning 80 yilligiga bag'ishlangan yangi xiyobon barpo etildi, deb xabar qilmoqda "Dunyo" AA muxbiri.

Ushbu bog'ga O'zbekiston, Rossiya, Qozog'iston, Tojikiston, Xitoy, Hindiston va boshqa davlatlar elchixonalari tomonidan Vitebsk viloyatining iqlim sharoitlariga moslashtirilgan 12 tup ko'chat taqdim etildi. Ular Vitebsk davlat universitetida tahsil olayotgan talabalar tomonidan ekildi.

Tadbir doirasida Botanika bog'ida Ikkinchi jahon urushida qahramonlik ko'rsatgan askarlar jasoratiga bag'ishlangan ko'rgazma tashkil etildi.

Vitebsk davlat universiteti rahbariyati O'zbekiston va Belarus o'rtasidagi ikki tomonlama aloqalarni yana-da kengaytirish va mustahkamlash qaratilgan o'zaro hamkorlikni kengaytirishga tayyor ekanliklarini ta'kidladi.