ТОШКЕНТ, 8 февраль. /“Дунё” АА/. Ўзбекистон Президенти Администрацияси раҳбари Саида Мирзиёева ва АҚШ махсус вакили, элчи Сержио Гор Америка–Ўзбекистон ишбилармонлик ва инвестиция кенгашининг биринчи йиғилишини ўтказди, деб хабар бермоқда “Дунё” АА мухбири.

“Махсус вакил, элчи Сержио Гор иштирокида Америка–Ўзбекистон ишбилармонлик ва инвестиция кенгашининг биринчи йиғилиши ўтказилганини маълум қилишдан мамнунман, – деб ёзди Ўзбекистон Президенти Администрацияси раҳбари Саида Мирзиёева ўзининг telegram-каналида. – Муҳокамалар самарали ва истиқболга йўналтирилган тарзда ўтди; олдинда бизни ҳар икки мамлакат учун стратегик аҳамиятга эга бўлган асосий йўналишлар бўйича салмоқли ва мазмунли ишлар кутмоқда”.